ECHANGE CREOLE
PALE KREYOL E KONPRANN- NOU
Myrtô RIBAL RILOS
Asou palé kréyòl tout moun annan péyi karayb yé pouvé konprann roun ké ròt.
Sa mo pouvé di asou sa palò-a, li genyen dé bagaj . Mo ka di, ki lò moun ka gadé sa ki ka fèt Laguyann, nou ka wè, ki moun ki ka vini an péyi-a, yé fèt Ayti, Sentlisi ké Dominik. Pou nou pouvé konprann yé, pis yé pa ka palé fransé, a kréyòl-a, yé tout ka pran. A sa mouché sézèr ka rélé « Les armes miraculeuses »
Koulifika li genyen dé trwa tan é jénérasyon ki fèt dipi tout moun lakarayb té vini fè lò Laguyann, an sa tan fransé nou tout pa té ka djè monté rot, mé tout moun ki té ka travay laro danbwa té ka palé kréyòl é nou trapé roun lo moun ki fè yé kaz é ki fè ti moun ki ka palé kréyòl Laguyann . dé tan yé ka palé kréyòl sentlisi ké papa yo ou manman yo alòs Mo ka di Laguyann kou roun koté ki ka espérimenté oun modèl sosyété ki nov.
Si tout sé moun-yan ka konprann yé kò atè nou péyi-a, annan la karayb, yé pouvé fè menm bagaj.
Asa mo té lé di.


